අමාවක අහසට
පිබිද රන්වන් තරුකැට
යායක් ලෙසින් දිඳුලා
බිද දැමූවයි ඝනඳුර
කොවුලන් නිතර හැඩුවද
අවුරුදු ළඟයි කීවද
පාලූව මකා ඉදහිට
නුඹ ගී ගැයූ කෙවිලිය
මගේ යෙහෙළිය.............
අවසන සටන් බිම වැද
ගුලිකර තුඩට පන්හිද
දෙවියන් ඇමතු ගැහැණිය
නුඹ ගී ගැයූ හංසිය........
මගේ යෙහෙළිය
කියන් මාහට ................
දහයට එක බැගින්
මිලයට නම් කෙරුණු
දෙල්කද මඟ අසල
විකිනුන රන් සුඟක
කවදා යලිත් දකිනද
පිබිදෙන රෝස කුසුමක්
රන් සුණු සුඟක දැවටුන
(නිමිත්ත - මොණිකා රැවන් පතිරණ කිවිදියගේ
පොත් එකතුවක් කළකට පෙර පදිකයේ විකිණිමට තිබිණි)
No comments:
Post a Comment